Umabot na sa 13.1 milyong katao sa bansa ang fully vaccinated kontra COVID-19.
Ayon kay Presidential Spokesman Harry Roque, mahigit 30.3 milyon na ang naiturok na bakuna kabilang ang mga nakatanggap ng first dose.
Nakatanggap na rin anya ang bansa ng 48.5 milyong COVID-19 doses kasama na ang para sa Metro Manila at walong priority areas.
Samantala, inaasahan naman ng gobyerno na matatanggap ang delivery ng panibagong 20 hanggang 25 milyong vaccine doses sa Setyembre.
Ito’y upang maabot ang target na bakunahan ang hanggang 70 milyong katao bago magtapos ang taon at makamit ang herd immunity at ligtas na mabuksang muli ang ekonomiya.—sa panulat ni Drew Nacino
