Nanawagan ang Anti-Red Tape Authority (ARTA) sa mga ahensya ng gobyerno na magkaroon ng official contact numbers at magtalaga ng tao na sasagot sa mga tawag.
Ginawa ni ARTA Director-General Jeremiah Belgica ang pahayag kasunod ng mga natanggap na reklamo hinggil sa ilang mga ahensya na hindi makontak gamit ang kanilang contact lines.
Ayon kay Belgica, ang pagkakaroon ng official contact numbers ay bahagi ng papel ng gobyerno sa patuloy na pagbibigay ng tulong sa publiko kahit na nasa gitna ng COVID-19 pandemic.
Iginiit pa ni Belgica na mahalaga rin ang pagkakaroon ng contact numbers tulad ng pagtatatag ng public assistance and complaints desks sa ilalim ng Ease of Doing Business Act. —sa panulat ni Hya Ludivico
