Hawak na ng Police Regional Office 3 o Central Luzon PNP ang ika-5 suspek sa nangyaring pagpatay at panununog sa online seller na si Nadia Caser sa Palayan City, Nueva Ecija.
Kinilala ni Central Luzon PNP Director P/BGen. Valeriano de Leon ang sumuko na si PSSgt. Drextemir Esmundo na nakatalaga sa Cabiao Municipal Police Station.
Ayon kay de Leon, dakong alas-11 kaninang umaga lumutang si Esmundo at ngayon ay dinala na sa tanggapan ng PNP Anti-Kidnapping Group sa Kampo Crame.
Si Esmundo ang isa sa tatlong Pulis na itinuro ni Dario Robarios, ang caretaker ng farm kung saan umano ibinaon ang sunog na bangkay ni Casar.—ulat mula kay Jaymark Dagala (Patrol 9)
