Pinangunahan ni Armed Forces of the Philippines (AFP) Chief of Staff Gen. Cirilito Sobejana ang Change of Command Ceremony ng Southern Luzon Command (SOLCOM).
Ito’y kasabay ng Retirement Honors para kay Lt/Gen. Antonio Parlade Jr. na nagdiriwang ng kaniyang ika-56 na kaarawan ngayong araw.
Sa kaniyang mensahe, nagpasalamat si Padlade sa AFP Chief sa tiwala at kumpiyansang ibinigay nito sa kaniya na pamunuan ang Timog Katagalugan na siya ring kanlungan ng Partido Komunista ng Pilipinas.
Pinapurihan ni Sobejana ang mga nagawa ni Parlade para paliitin ang bilang ng mga rebelde sa Katimugang Luzon kung saan, mas marami aniya ang sumusuko kaysa sa mga nasasawi sa bakbakan.
Humalili kay Sobejana si M/Gen. Bartolome Bacarro na siyang Commander ng 2nd Infantry Division ng Philippine Army na nasa ilalim ng SOLCOM.
Si Parlade ay mistah ni Sobejana na kapwa miyembro ng Philippine Military Academy (PMA) “Hinirang” Class of 1987 habang si Bacarro naman ay kabilang sa PMA “Maringal” Class of 1988. —ulat mula kay Jaymark Dagala (Patrol 9)
