Simula na ngayong araw, Hulyo 25 ang pag-iral ng bagong curfew hours sa National Capital Region (NCR).
Sa abiso ng MMDA, ang bagong curfew hours na paiiralin sa rehiyon ay anim na oras na mula sa dating apat na oras.
Ibig sabihin, sisimulan ang curfew ng alas-10 ng gabi at magtatagal hanggang alas-4 ng madaling araw.
Nauna rito, sinabi ni MMDA Chairman Benhur Abalos na ang naturang bagong polisiya ay sang-ayon sa napagkasunduan ng mga alkalde sa rehiyon bilang ibayong pag-iingat sa banta ng Delta variant ng COVID-19.