Hinihintay pa rin ni Senate Blue Ribbon Committee Chairman Sen. Richard Gordon ang mga dokumentong isusumite ni Sen. Manny Pacquiao.
Ito’y may kaugnayan sa pasabog ni Pacquiao kamakailan hinggil sa umano’y talamak na katiwalian sa iba’t ibang ahensya ng pamahalaan kabilang na ang Department of Energy.
Ayon kay Gordon, hindi sila maaaring mag-imbestiga sa pamamagitan ng mga haka-haka o mga balitang nabasa lamang sa mga pahayagan.
Gayunman, sinabi ni Gordon na seryoso ang mga pasabog ni Pacman kaya’t kumikilos na rin ang kaniyang opisina para tingnan at i-verify ang mga pinakawalang alegasyon ng kapwa senador.