Ibinahagi ni Kris Aquino sa kanyang Facebook page ang isang video tribute para sa yumaong kapatid na si dating Pangulong Benigno “Noynoy” Aquino III.
“We love you and we are so blessed to have had the privilege to have had you as our brother. We’ll miss you forever,” ang nakasaad na caption sa post ni Kris.
Laman ng video ang ilang kuha mula sa lamay ng ika-15 Pangulo ng bansa at ilang mga larawan kasama si Kris at mga anak nito.
Mapapakinggan din sa video ang bagong version ng kantang “Paubaya” ni Moira Dela Torre na inilaan para kay Aquino.
Noong Huwebes nang pumanaw sa edad na 61 ang dating Pangulo dahil sa renal failure secondary to diabetes.—sa panulat ni Hyacinth Ludivico
