Nasawi ang isang kawani ng Philippine Embassy sa India dahil sa COVID-19.
Ito ang malungkot na kinumpirma ng Department of Foreign Affairs (DFA) matapos na makapagtala ng higit sa 4,000 bagong nasawi sa India dahil pa rin sa virus.
Bukod dito ay wala nang ibinigay na detalye ang ahensya hinggil sa pagpanaw ng isa sa mga kawani ng Philippine Embassy doon.
Nauna rito, iniulat ng pamunuan ng Philippine embassy sa India na may dalawang Pinoy na ang nasawi sa COVID-19 sa nabanggit na bansa.
