Mahigit 200 medical frontliners ang nabakunahan ng AstraZeneca vaccine sa Philippine General Hospital (PGH) sa Maynila.
Ayon kay PGH Spokesman Dr. Jonas Del Rosario, patuloy ang isinasagawang pagtuturok ng bakuna sa iba pang health care workers sa kanilang ospital.
Kabilang sa tumanggap ng bakuna ay si Forensic Pathologist Dr. Raquel Fortun.
Una ng sinabi ni Del Rosario na mahigit 2,000 frontliners ang unang naturukan ng bakunang Sinovac sa mga nakalipas na araw. —sa panulat ni Rashid Locsin
