Nasa kritikal na level na umano ang may apat na ospital sa Metro Manila partikular na sa aspeto ng bed capacity para sa mga pasyenteng tinamaan ng COVID-19.
Kabilang dito ayon sa Department Of Health (DOH) ang A.Zarate Hospital sa Las Piñas, Mary Chiles Hospital Sa Sampaloc, Ospital ng Muntinlupa at Felix Y Manalo Medical Foundation sa Quezon City.
Samantala, itinuturing namang nasa high risk ang mga sumusunod:
- Bernardino General Hospital II
- East Avenue Medical Center
- Mandaluyong City Medical Center
- Novaliches District Hospital
- Ospital Ng Makati
- Pacific Global Medical Center
- Sds Medical Center
- Taguig Pateros District Hospital
- Veterans Memorial Medical Center
Habang nasa moderate level naman ang Jose N. Rodriguez Memorial Hospital; National Children’s Hospital; Philippine Orthopedic Center at Quirino Memorial Medical Center.
Habang maituturing namang nasa safe o ligtas na kategorya ang nalalabing 133 pang mga ospital sa kalakhang Maynila.