Hindi pa napapanahon ang apela ng Unibersidad ng Pilipinas (UP) para bawiin ng Department of National Defense (DND) ang pasya nito na kanselahin ang 1989 UP-DND accord.
Ayon kay Defense Spokesman Dir. Arsenio Andolong, sa ngayon ay patuloy pa rin ang pag-uusap sa pagitan ng magkabilang partido hinggil dito.
Muling binuksan ng Defense department at ng UP ang pag-uusap upang plantsahin ang mga gusot sa kasunduan lalo na ang ligal at moral na implikasyon nito.
Magugunitang ibinasura ni Defense Sec. Delfin Lorenzana ang nasabing kasunduan sa paniniwalang nagiging pugad na ang UP ng mga terroristang New People’s Army (NPA).