Naitala kahapon ang pinakamataas na bilang ng mga commuter sa Manila Metro Rail Transit System Line 3 (MRT-3).
Simula nang magbalik-operasyon ang mga tren ng MRT-3 noong ika-1 ng Hunyo, nasa mahigit 114,000 na pasahero na ang napagserbisyuhan ng MRT-3.
Kasunod ito, ayon sa DOTr-MRT-3, ang resulta ng mas pinataas na passenger capacity, mas mabilis na pagbiyahe ng mga tren at pagkakaroon ng mas mataas na bilang ng running at operational train sets sa linya.
Dinagdagan ang kapasidad ng mga tren sa 30% mula sa dating 13%.
Mas pinabilis na rin ang takbo ng mga tren sa 50 kilometers per hour (kph) mula sa dating 40 kph simula nitong nakalipas na ika-2 ng Nobyembre.
Dahil dito, nabawasan ang average headway o oras sa pagitan ng mga tren mula 8-minuto hanggang 9.5-minuto sa 20 tren, pababa ng 4-minuto hanggang 5-minuto.
