Ipinagmalaki ng pharmaceutical company na Pfizer Inc., na may higit 90% na nakakagaling ang kanilang bakuna kontra COVID-19.
Ayon kay Albert Bourla, Chairman at CEO ng kumpanya, maituturing na isang magandang development ang naturang tagumpay sa kanilang ginagawang clinical trial.
Pagmamalaki pa ng Pfizer inc., na wala silang nakitang anumang seryosong problema habang isinasagawa ang nasabing trial sa posibleng maging bakuna laban sa virus.
Kasunod nito, umaasa ang naturang kumpanya, na makakukuha sila ng authorization sa Estados Unidos ngayong buwan para sa emergency use nito.
Mababatid na bukod sa Estados Unidos, may kontrata na rin ang Pfizer inc., sa iba’t ibang bansa gaya ng Canada, UK, Japan at iba pa.
