May napisisil na si Pangulong Rodrigo Duterte sa kung sino ang ipapalit kay outgoing PNP Chief General Archie Gamboa na nakatakdang magretiro sa susunod na buwan.
Sa panayam ng DWIZ, sinabi ni Senador Ronald “Bato” Dela Rosa na sa tingin niya ay may napili na si Pangulong Duterte na papalit sa pababang hepe ng pambansang pulisya.
Dagdag pa nito, sa mga matunog na mga kabilang sa pinagpipilian ng pangulo tulad ng mga one star hanggang 3 star general, para sa kanya lahat naman ng mga ito ay may kakayahang mamuno sa PNP.
Lahat naman ng one star general, two star, three star ay pwedeng maging CPNP so bahala na si presidente ang pumili. ayoko sabihin sayo sino ang gusto ko. sa ngayon ang alam ko contenders lahat ng 3 star Cascolan, Eleazar, Binag, two star Sinas, one star Danao, so anybody from among them. ani Dela Rosa
Pero ayon kay Dela Rosa, kung siya ang tatanungin, mas pipiliin aniyang hayaan ang pangulo na mag-desisyon sa kung sino sa tingin nito na swak sa posisyong mamuno sa PNP.
Ang sagot ko sa kanya, rekomendado ko si Cascolan, Eleazar, Binag, Sinas, Danao. Ikaw bahala pumili sino matimbang sa puso mo. ani Dela Rosa sa panayam ng DWIZ
