Umabot na sa mahigit 800,000 ang nasawi sa buong mundo dahil sa COVID-19.
Ayon sa Agence France Press (AFP), na base sa kanilang official tally nasa kabuuang 800,004 na ang fatalities sa daigdig na mula naman sa 23,003,079 na declared infections.
Kabilang naman sa mga labis na naapektuhan ng virus ay ang Latin America at Caribbean regions na mayroong 254,897 deaths.
Mahigit naman sa kalahati ng global fatalities ay mula sa apat na mga bansa na kinabibilangan ng Amerika na mayroong 175,416, na sinundan ng Brazil na mayroong 113,358, Mexico 59,610 at India na mayroon namang 55,794.
