Pumalag ang Malacañang sa bintang ng United Nations (UN) na paglabag sa international law ang patuloy na pagkakakulong ni dating Pangulong Gloria Arroyo.
Ayon kay Communications Secretary Sonny Coloma, kinikilala ng batas ang International Covention on Civil and Political Rights at ang Universal Declaration of Human Rights kung saan isa sa mga signatory ang bansa.
Ngunit iginiit ni Coloma naibigay kay Ginang Arroyo ang due process at ginagawa naman ang kampo ng dating pangulo ang mga legal remedies sa ilalim ng batas ng Pilipinas.
Binigyang diin ni Coloma na mayroong judicial process sa Philippine court na solong mayroong hurisdiksyon para pagpasyahan ang kaso ng dating Pangulo at hindi kailangan ang alinmang international body para manghimasok o mang-impluwensya sa gingawang paglilitis sa kaso ni Arroyo.
By Rianne Briones | Aileen Taliping (Patrol 23)