Inalmahan ni Cabinet Secretary at IATF co-chairman Karlo Nograles ang bagsak na marka na ibinigay ng ilang mambabatas at health experts sa tugon ng pamahalaan sa coronavirus disease 2019 (COVID-19) pandemic.
Ayon kay Nograles, hindi patas ang ganitong assessment dahil malinaw namang mas maganda ang sitwasyon ngayon sa Pilipinas kumpara sa ilang umuunlad na bansa.
Sa katunayan, batay anya sa pahayag ng mga mathematicians, mga siyentipiko at statisticians posibleng lumambas na sa isang milyon ang kaso ng COVID-19 sa Pilipinas kung hindi naging maagap ang pamahalaan sa pagtugon sa COVID-19 pandemic.
Makikita rin anya ang improvement sa health care system ng bansa tulad ng paglaki ng bed capacity, ICU capacity, dami ng ventilators, PPE’s at testing capacity.
