Isang Filipino sa Greece ang nagpositibo sa coronavirus disease 2019 (COVID-19).
Batay sa kumpirmasyon ng Department of Foreign Affairs(DFA), kasalukuyang naka-home quarantine ang nabanggit na pinay matapos makitaan ng mild symptoms.
Ayon sa DFA, mahigpit ng nakikipag-ugnayan ang Philippine Embassy sa mga health authorities sa Greece para matiyak na nabibigyan ito ng angkop na pangangalaga at suporta.
Patuloy din anilang nakamonitor ang embahada sa sitwasyon ng lahat ng mga Filipino na nasa Greece at nakaantabay para sa posibleng kailanganing tulong.
Sa pinakahuling tala ng Greece, nasa 387 na ang kumpirmadong kaso sa kanilang bansa habang lima na ang nasawi.
