Nagpositibo sa 2019 novel coronavirus acute respiratory disease (2019 nCoV-ARD) ang 10 pasahero ng cruise ship na Diamond Princess na nakadaong sa Yokohama, Japan.
Dahil dito, nagdesisyon na ang Japanese government na ituloy ang pagquarantine sa lahat ng halos 4,000 pasahero at crew ng nasabing barko.
Una rito, pagdating sa Yokohama, hindi na pinababa ang mga pasahero at inabisuhang manatili na lamang muna sa kanilang mga kuwarto at mga quarantine officer na lamang ang sumampa sa barko at isa-isang sinuri ang mga pasahero kaya’t nakumpirma ang 10 nagpositibo sa 2019 nCoV-ARD.
