Pansamantalang sususpendihin ng Department of Energy ang suplay ng kuryente at produktong petrolyo sa ilang lugar na apektado ng patuloy na pagaalburoto ng bulkang Taal.
Ayon kay Energy Undersecretary Wimpy Fuentebella, ito ay sa ilalim ng derektiba ng National Disaster Risk Reduction Management Council (NDRRMC).
Aniya, ipapatupad ang suspensyon sa mga lugar na nakasailalim sa lock down.
Sa kabila nito ay siniguro naman ng ahensya na hindi maapektuhan ng gagawing suspensyon ang mga evacuation centers sa lugar.
