U-ubrang magpalabas ang Ombudsman ng kopya ng Statement of Assets, Liabilities and Networth (SALN) ng mga opisyal ng gobyerno.
Ayon ito kay dating Ombudsman Conchita Carpio-Morales, taliwas sa paninindigan anito ng sumunod sa kaniyang ombudsman na si dating Associate Justice Samuel Martires na walang otoridad ang tanggapan na magpalabas ng SALN ng public officials sa media o sa publiko.
Tinukoy ni Morales ang Republic Act 6713 o Code of Conduct and Ethical Standards for Public Officials and Employees kung saan nakasaad na u-ubrang magpa kopya ng SALN, sampung araw mula sa araw na isinumite ito ng public official, subalit may bayad ang reproduction at pag mail ng kopya ng SAL gayundin ng certification nito.
Malinaw din aniyang nakasaad sa batas na ito na anumang SALN na isinumite sa ilalim nito ay dapat maging available sa publiko sa loob ng 10 taon matapos matanggap ang nasabing kopya ng SALN.