Handa ang Bureau of Customs o BOC na makipagtulungan sa gagawing imbestigasyon ng Presidential Anti – Corruption Commission sa ilang mga customs personnel.
Ayon kay BOC Commissioner Rey Leonardo Guerrero, welcome din ang gagawing pagdinig ng Committee on Trade and Industry na mag iimbestiga sa umano’y smuggling ng mga substandard na steel products.
Umapela pa si Guerrero sa publiko na magbigay ng kaukulang impormasyon sa mga irregular na aktibidad sa pagitan ng mga abusadong importer at broker at mga kawani ng boc.
Sa gitna nito ay tuloy tuloy pa rin ang gagawing paglilinis ng BOC mula sa mga kurap na empleyado ng ahensiya.
