Umusad na ang imbestigasyon ng Philippine Military Academy (PMA) sa pagkamatay ng isang kadete.
Si Darwin Dormitorio ay natagpuang walang malay sa loob ng kanyang kwarto sa PMA.
Naitakbo pa ito sa ospital subalit idineklara itong dead on arrival.
Sa isang statement, nagpahayag ng pakikipagdalamhati sa pamilya Dormitorio ang pamunuan ng PMA.
Tiniyak nila ang masusing imbestigasyon upang alamin kung ano ang nangyari na ikinamatay ni Dormitorio.
Siniguro rin ng pamunuan ng PMA na binibigyang kunsiderasyon sa edukasyon at training ng PMA ang kabutihan ng lahat ng kadete.
