Mahigit 9 bilyon pesos ang nakolektang buwis ng Department of Agriculture o D.A sa mga imported na bigas simula nang ipatupad ang Rice Tariffication Law.
Sa budget briefing sa Kamara, sinabi ni Agriculture Secretary William Dar na aabot na sa 9.2 bilyon pesos ang nakokolektang taripa simula Marso ng kasalukuyang taon.
Hanggang sa katapusan anya ng taon ay inaasahang aabot sa 15 billion pesos ang makokolektang buwis mula sa mga imported rice dahil sa nasabing batas.
Nilinaw naman ng kalihim na mga lokal na magsasaka parin sa huli ang makikinabang sa Rice Tariffication law kahit pa kanila nang ikinalulugi ang pagsadsad sa 7 pesos ng presyo ng kada kilo ng palay.
