Ipinag-utos na ng Manila Regional Trial Court (RTC) ang paglipat ni dating Customs Intelligence Officer Jimmy Guban sa Manila City Jail.
Kasunod ito ng pagbasura ng korte sa kahilingan ni Guban na manatili sa NBI Detention Facility.
Si Guban ang isa sa mga pangunahing akusado sa pagpupuslit ng bilyun-bilyong pisong halaga ng shabu na isinilid sa loob ng mga magnetic lifters.
Bago makulong sa NBI Detection Cell, saglit ding nakulong si Guban sa Senado at inilipat lamang matapos ang pagdinig sa kinasasangkutang kontrobersiya.
