Patay ang isang Overseas Filipino Workers sa Qortoba, Kuwait matapos umanong mahulog sa ikalawang palapag ng gusali habang tumatakas sa pagmamalupit ng amo.
Kinilala ang biktima na si Maria Dessa Ballais, 23 taong gulang at tubong Leyte.
Ayon sa ulat, 4 na buwan nang nagtatrabaho si Biron sa Kuwait bilang domestic helper.
Hindi na rin daw nito matiis ang pagmamaltrato sa kaniya ng kaniyang amo.
Kaya naman, mula sa ikalawang palapag na kanyang pinagtatrabahuhan ay naghuhulog ito ng mga sulat kung saan nakasaad ang kaniyang paghingi ng tulong.
At nang magkaroon daw ito ng pagkakataon, ginamit niya ang bed sheet upang tumakas kaya lang habang isinasagawa ang pagtakas ay nahulog ito at binawian ng buhay.
Samantala, patuloy pang kinukumpirma ng Overseas Workers Welfare Administration o OWWA ang trahedyang sinapit ng OFW at oras na ito’y makumpirma ay agad naman daw silang tutulong sa naulilalang pamilya ni Biron.
By: Meann Tanbio | Allan Francisco
