Pormal nang hiniling ng Otso Diretso sa Commission on Elections (Comelec) na magtakda ng debate sa pagitan ng kanilang grupo at mga kandidato ng Hugpong ng Pagbabago.
Lumiham sa Comelec ang Otso Diretso matapos ipahayag ni Davao City Mayor Sara Duterte-Carpio na dapat magkaroon ng third party organizer sa debate.
Sinabi ng Otso Diretso na makabubuti kung ang komisyon ang maging facilitator ng debate dahil wala itong kinikilingan.
Binigyang diin ng Otso Direso na ang mga botante ang makikinabang sa debate dahil makikilala nila ng husto ang kakayahan ng bawat kandidato at ang kanilang posisyon sa mga isyung kinakaharap ng bansa.
—-
