Hinimok ng Commission on Elections o Comelec ang mga botante na manuod ng mga senatorial debates.
Sa Twitter post ni Comelec Spokesperson James Jimenez, sinabi nito na ang debate ay isang magandang paraan para makilatis ang husay ng mga tumatakbong kandidato.
Malaki aniya ang maitutulong nito para makapili ng mga kandidatong iboboto sa 2019 midterm elections.
Nasa mahigit isandaan (100) ang kuwalipikadong kandidato sa pagka-senador.
Una rito, nagpaalala rin si Jimenez kaugnay sa tamang pag-shade ng kanilang balota sa eleksyon.
—-
