Tiniyak ni dating Pangulo at ngayo’y House Speaker Gloria Macapagal Arroyo na walang kongresista ang masi-zero budget sa kanyang termino.
Ito ay kahit pa ang mga mamababatas na hindi sumusuporta sa kanya.
Ayon kay Arroyo, maliban sa pagsusulong ng legislative agenda ni Pangulong Rodrigo Duterte ay bahagi ng kanyang trabaho na tulungan ang mga kapwa niya kongresista at kanilang mga nasasakupan.
Sinasabing isa sa mga dahilan kung bakit pinabagsak si Davao del Norte representative Pantaleon Alvarez bilang Speaker ay dahil sa panggigipit sa mga kumokontrang mambabatas.
