Dismayado ang kampo ni Senator Juan Ponce Enrile sa pagkuwestyon ng Office of the Ombudsman sa naging desisyon ng Korte Suprema na makapagpiyansa ang senador.
Ayon sa abogado ni Enrile na si Atty. Estelito Mendoza, nagawa itong ianunsyo ng Ombudsman sa media ngunit hindi man lamang sila nabigyan ng pagkakataon na mag-komento.
Aniya, ipinadala lamang ng Ombudsman ang kanilang mosyon sa pamamagitan ng registered mail.
Una nang sinabi ni Ombudsman Conchita Carpio Morales na lumalabag sa equal protection of the law ang naging desisyon na makapagpiyansa si Enrile.
By Rianne Briones
