Isasailalim na ng Department of Education o DEPED sa training ang mga guro na magsisilbing Board of Election Tellers o BET sa darating na barangay at sangguniang kabataan o SK elections.
Ayon kay DEPED Usec. Alain Pascua, may inihanda silang pagsasanay para sa mga guro gayundin ang isang video para sa mga gurong nasa malalayong lugar.
Dagdag pa ni Pascua, mayroon din silang ilalabas na instructional materials para maging guide ng mga BET.
Una na rito, ipinabatid ng COMELEC na maaaring tumawag ang mga guro sa kanilang itinalagang hotline sa oras na makaranas ang mga ito ng ilang problema sa proseso ng eleksyon.
