Kinumpirma ng Department of Foreign Affairs (DFA) na isang mag-asawang Pilipino ang sugatan sa nangyaring sunog sa isang residential compound sa Al Khobar, Saudi Arabia noong Agosto 31.
Ayon kay DFA Spokesman Assistant Secretary Charles Jose, nasugatan ang ‘di pinangalanang Filipino couple matapos tumalon mula sa radium residential complex habang nangyayari ang sunog.
Naka-confine aniya ngayon ang Pinay sa Aramco habang ang mister nito ay nagtamo ng sugat sa paa.
Ipinabatid ni jose na nakaligtas naman sa sunog ang anak ng mga biktima.
By Meann Tanbio | Allan Francisco
