Handa si outgoing PNP Chief Dir/Gen. Ronald Bato Dela Rosa na harapin ang alinmang kaso na isasampa laban sa kaniya.
Ito’y sa sandaling kumilos na aniya ang kaniyang mga kritiko, oras na bumaba na siya bilang pinuno ng pambansang pulisya.
Ayon kay Bato, handa na rin niyang samahan si Pangulong Rodrigo Duterte sa bilangguan sakaling kasuhan man sila lalo na kung may kinalaman sa war on drugs.
Pero nanindigan si Bato na hindi siya kailanman nagsisisi sa kaniyang mga nagawa sa loob ng halos dalawang taong panunungkulan niya sa tungkulin.
