Usap-usapan kung engaged na nga ba ang actress-TV host na si Pauleen Luna sa kaniyang kasintahan na si Vic Sotto.
Ito ay matapos mapansin ng marami ang singsing na suot ni Pauleen kahapon sa Eat Bulaga, na duda ng marami ay isang engagement ring.
Sa huling instagram post ng TV host actress ay kuha sa isang chapel at may caption na “Thank you Lord for all the blessings”.
Tanong tuloy ng kaniyang mga followers ay kung tungkol ito sa nasabing singsing, ngunit walang sagot si Pauleen.
Samantala isang dating aktress naman na kilalang malapit kay Pauleen ang nagpost sa Instagram ng isang singsing na kaparehas ng suot ni Pauleen at may caption na “Congratulations! I’m so happy for you!”
Sinubukang kunin ng media ang panig ni Pauleen maging ang kaniyang ina na si Chat Luna, ngunit bigong makuha ang kanilang pahayag.
By Jenny Valencia
