Ipa-full tank na ang mga sasakyan dahil taas presyo sa mga produktong petrolyo ang tiyak na sasalubong sa mga motorista ngayong unang linggo ng Marso.
Epektibo bukas, araw ng Martes, maglalaro sa P0.40 hanggang P0.50 ang posibleng umento sa kada litro ng gasolina.
Nasa P0.20 hanggang P0.30 naman ang posibleng itaas sa presyo ng diesel sa kada litro habang halos P1.00 o mula P0.70 hanggang P0.80 naman ang itaas sa kada litro ng kerosene.
Ito na ang ikalawang sunod na linggong magpapatupad ng umento ang mga kumpaniya ng langis bunsod na rin ng malikot na presyuhan ng krudo sa world market na dinagdagan pa ng dagdag buwis bunsod ng bagong Tax Reform Law.
—-
