Ipinagmalaki ni Foreign Affairs Secretary Alan Peter Cayetano na mas panatag na ang loob at ligtas ang pakiramdam ng mga Filipino ngayon dahil sa kampanya ng gobyerno laban sa illegal drugs.
Kasabay nito, nanawagan si Cayetano sa international organization na Human Rights Watch o HRW na humingi ng paumahin dahil sa aniya’y misleading o panlilinlang nito sa international community hinggil sa human rights situation sa Pilipinas.
Pinupulitika aniya ng grupo ang giyera kontra droga ng pamahalaan sa pagsisiwalat ng hindi patas na akusasyon kaugnay ng tunay na nangyayari sa bansa.
Sagot naman ni HRW Deputy Director for Asia Phelim Kine, hindi nakapagtataka ang pahayag ni Cayetano dahil kilala naman itong taga-depensa ng administrasyong Duterte.
—-
