Patay ang labing dalawa (12) katao sa pagbagsak ng isang maliit na eroplano sa bulubunduking bahagi ng Guanacaste sa Costa Rica.
Kabilang sa mga nasawi ang limang (5) miyembro ng isang pamilya na pawang American tourists na kinilalang sina Bruce, Irene, Matthew, William at Zachary Steinberg.
Sakay ng nasabing eroplano patungong Juan Santamaria International Airport ang sampung (10) turista mula sa Amerika at dalawang (2) crew nang bumagsak ito.
Sa larawang ipinalabas ng public safety ministry ng Costa Rica, halos hindi na makilala ang eroplano at tanging sunog na lamang na bahagi nito ang makikita sa crash site.
