Hindi intresado ang militar sa nakapatong na pabuya sa ulo nila ISIS Emir Isnilon Hapilon at Omar Maute na napatay kahapon sa Marawi City.
Ayon kay AFP Spokesman Maj/Gen. Restituto Padilla, ginagawa lamang ng mga sundalo ang kanilang mga sinumpaang tungkulin sa taumbayan nang walang hinihintay na kapalit.
Gayunman, blangko ang AFP kung kanino mapupunta ang Limang Milyong Dolyar na patong sa ulo kay Hapilon habang Sampung Milyong Piso naman kay Omar Maute.
Samantala, hinihintay na lamang ngayon ng militar ang resulta ng DNA testing sa bangkay nila Omar at Hapilon na siyang magpapatunay sa identity ng mga ito.
