Tuloy-tuloy ang pagtugis ng PNP o Philippine National Police sa mga miyembro ng Termite Gang na nanloob sa branch ng Chinabank sa Fairview sa Quezon City.
Ipinabatid ni Police Station 5 Commander Police Superintendent Tomas Nuñez na chini-check na ng kanilang Crime Laboratory Team ang CCTV footage ng naturang bangko.
Posible aniyang may security lapses sa nasabing sangay dahil Sabado pa umano napag-alamang sira ang CCTV camera sa bangko subalit hindi ini-report ng mga empleyado ng bangko.
Sinabi pa ni Nuñez na naging daan pa ang ginagawang drainage system na malapit sa lugar maging ang konstruksyon ng MRT 3 extension para mabilis na makapasok sa loob ng bangko.
Samantala, sarado pa rin ang nasabing branch ng Chinabank at wala pang advisory mula sa pamunuan ng bangko kung kailan babalik ang operasyon nito.
