Nagkapit-bisig ang mga manlalaro at coach ng Lakers, Timberwolves at Nuggets habang kinakanta ang star spangled banner na pambansang awit ng Amerika sa pagsisimula ng NBA preseason games kanina, bilang pagpo-protesta.
Kasunod ito ng ginawa ring pagprotesta ng mga NFL players noong nakaraang linggo kung saan lumuhod ang mga manlalaro habang tinutugtog ang kanilang national anthem.
Bagay na ikinagalit ni US President Donald Trump dahil isa aniya itong pambabastos sa kanilang watawat.
Hindi naman lumahok kanina sa protesta ang Warriors na isa sa mga koponang nagbukas ng NBA preseason.
Batay sa panuntunan ng NBA, pinapayagan ang pagkakapit-bisig habang kinakanta ang pambansang awit basta’t nanatiling nakatayo sa dalawang paa ang mga manlalaro.
Nagsimula noong 2013 ang pagpo-protesta sa national anthem ng professional athletes sa Amerika dahil sa police brutality, racial inequality at iba’t iba pang isyu sa kanilang bansa.
