Pumanaw na ang founder ng men’s magazine na Playboy na si Hugh Hefner sa edad na 91.
Ayon sa Playboy Enterprises, mapayapang binawian ng buhay si Hefner sa kaniyang playboy mansion dahil sa ‘natural causes’ o labis na katandaan.
Naulila ni Hefner ang 31-year-old model na si Crystal Harris na kaniyang huling pinakasalan at apat na anak.
Inilunsad ni Hefner ang Playboy magazine noong 1953 na naging patok dahil sa mga nude photo ng mga kababaihan.
Nauna rito, kumalat noong nakaraang taon ang balitang nangayayat ng husto si Hefner at nabawasan ito ng 90 pounds bagay na pinabulaanan ng kaniyang kinatawan.
