Inaasahan ngayong araw ang pagharap sa Senado ng isang testigo na nakakita sa pag-aresto ng mga otoridad sa binatilyong Carl Angelo Arnaiz matapos na mangholdap umano ng taxi driver sa Caloocan City.
Ayon kay Senate Public Order and Dangerous Drugs Committee Chairman Panfilo Lacson, nagtungo sa kanyang tanggapan ang naturang testigo dahil hindi umano ito makatulog at laging na-aalala kung paano sila nagkatinginan ni Carl nang makita niya ito sa loob ng sasakyan kasama ang dalawang pulis.
Nakita rin umano ng 20 anyos na lalaking testigo na may kasama si Arnaiz na isa pang batang lalaki at nakilala rin nito ang isa sa mga pulis na umaresto at posibleng pumatay kay Carl.
Samantala, imbitado rin anya sa pagdinig ang taxi driver na si Tomas Bagcal na inaasahang magiging crucial ang mga testimonya.
Ulat ni Cely Ortega-Beno
SMW: RPE
