Tatlong taon matapos ang huling pagsasama sa pelikula ay muling pakikiligin ng tambalang Piolo Pascual at Toni Gonzaga ang kanilang fans para sa bagong pelikulang ‘Last Night.’
Ayon kay Piolo kapwa excited na sila ni Toni na matapos at mapanood ang buong pelikula na aniya’y kakaiba sa nauna nilang movie team up.
Ang rom-com flick ay sa ilalim ng direksyon ni Joyce Bernal na isinulat naman ng aktres na si Bela Padilla.
Pagbabahagi ni Bela, purely imagination at wala siyang naging inspirasyon sa pagsusulat ng ‘Last Night’ script na aniya’y dark rom-com na may kasamang konting suspense at thrill.
Idinagdag ni Bela na inaabangan na rin niya ang kalalabasan ng pelikula.
Taong 2014 nang unang magtambal sina Piolo at Toni sa “Starting Over Again” na gumawa ng record sa box office.
AR/ DWIZ 882
