Isang 16 anyos na binatilyo ang naaresto ng mga otoridad matapos makuhanan ng isang 38 caliber revolver sa isinagawang one time bigtime operation sa Pasig City.
Ayon sa Pasig City Police, dakong alas 2:00 ng hapon kahapon nang maaresto ang naturang binatilyo sa Magsaysay Street, Barangay Manggahan kung saan nakita ang baril na nakasukbit sa baywang nito.
Samantala, umabot naman sa halos 200 ang kabuuang bilang ng mga naaresto sa naturang one time big time operations.
Ilan dito sa mga naaresto ay may kaugnayan sa iligal na droga, 18 dahil sa illegal gambling, 40 dahil sa pag-iinuman sa kalsada, 35 sa paglabag sa smoking ban, 82 sa half naked ordinance at 5 may outstanding warrant of arrest.
By: Krista De Dios
