Nagtatanong ang marami kung may bago nang nagpapatibok sa puso ng singer na si Jake Zyrus.
Ito ay matapos mag-post ng larawan ang nutritionist at fitness instructor na si Shyre Aquino sa Instagram kasama si Zyrus sa isang beach.
Kapansin-pansin sa larawan ang tila masayang pagkukulitan ng dalawa na nilagyan pa ng caption ni Aquino ng,
I love you for who you are.
May isa pang larawan na ipinost si Aquino kung saan makikita na sobrang lapit ni Zyrus sa kanya.
Dito ay naglagay ng komento si Zyrus at sinabing si Aquino ang dahilan kung bakit kanyang minahal ang sarili at nahinto ang hate o pagkamuhi na nararamdaman sa sarili bunsod ng mga sinasabi at iniisip ng ibang tao sa kanya.
Sinabi pa si Zyrus na bukod sa panlabas na kagandahan ay mas nagustuhan niya pa si Aquino dahil sa panloob na kagandahan nito na inilarawan niya pa bilang patient, funny at humble.
Sa ngayon ay wala pang direktang pag-amin kay Zyrus sa tunay na relasyon nilang dalawa ni Aquino.
