Kinumpirma ng anak ni Joey Marquez na si Wynwyn na sasali muli siya sa Miss World Philippines 2017.
Ayon kay Wynwyn, ang nobyo niyang si Mark Herras ang nagkumbinsi sa kanya na sumali sa nabanggit na beauty pageant.
Apat na beauty titles ang paglalabanan ng official candidates ng Miss World Philippines 2017 na kinabibilangan ng Miss World Philippines, Miss Eco International Philippines, Miss Multinational Philippines, at Reina Hispanoamericana Filipinas 2017.
Umani naman ng suporta ang anak ni Joey Marquez matapos na kumpirmahin nito ang pagsali sa naturang beauty pageant.
Unang sumali si Wynwyn sa Binibining Pilipinas noong 2015, pero hindi siya pinalad na manalo.
- Meann Tanbio
