5 katao sugatan sa karambola ng 17 sasakyan sa Pasig

Nagkarambola ang labing pitong (17) sasakyan sa C-5 Ortigas Flyover sa Pasig patungo ng Libis na kinabibilangan ng mga trak, taxi, kotse at dalawang (2) motorsiklo.

Ayon sa Pasig Rescue, lima ang sugatan sa aksidente kung saan dalawa ang kinailangang isugod sa ospital habang nilapatan na ng paunang lunas ang tatlo sa mga ito.

Sa lakas ng banggaan, wasak ang unahan at likurang bahagi ng mga sasakyan habang sumuot naman ang taxi sa likuran ng isang elf truck.

Kasalukuyang inaalam pa ng mga awtoridad ang puno’t dulo ng naturang karambola ng mga sasakyan.

Samantala, dahil sa aksidente, nagdulot ito ng matinding bigat sa daloy ng trapiko lalo’t barado ngayon ang mga kalsada patungong Makati at Quezon City.

By   Ralph Obina   

Comments

comments