Lightning rally ng mga militante agaw eksena sa joint session

Bahagyang naantala ang joint session ng Kamara at Senado nang magsagawa ng lightning rally ang 15 militanteng kabataan sa plenaryo ng Batasang Pambansa kanina.

Sumabay ang mga naturang kabataan habang  nagbibigay ulat si Defense Secretary Delfin Lorenzana hinggil sa pinakahuling sitwasyon sa Marawi City partikular na ang bilang ng mga residenteng nagsilikas at kasalukuyang nanunuluyan sa mga evacuation centers.

Mariing tinututulan ng mga kabataan ang hirit ni Pangulong Rodrigo Duterte na palawigin ang idineklara nitong batas militar sa Mindanao.

Samantala, agad namang napigilan ng house security ang mga naturang kabataan at pinalabas sila sa session hall upang hindi na magdulot pa ng ibayong pagka-antala.

Nakatakda namang kasuhan ng disruption of public order ng house sergeant at arms ang 15 kabataan na umeksena sa isinagawang joint session.

By: Jaymark Dagala / Jill Resontoc

Comments

comments