Kinumpirma ni Secretary Vitaliano Aguirre na naka-usap na niya ang gambling operator na si Charlie “atong” Ang sa tanggapan ng Department of Justice.
Dakong ala 6:00 ng gabi noong Miyerkules nang dumating si Ang sa DOJ kasama ang abogadito nito bilang courtesy call.
Ito, ayon kay Aguirre, ay bilang suporta sa kampanya ng Duterte Administration laban sa iligal na sugal at upang mabigyang linaw ang kanilang mga hindi pagkaka-unawaan noong mga nakalipas na buwan.
Magugunitang nagpalitan ng akusasyon sina Aguirre at ang kaugnay sa pagsisiwalat ng negosyante na plano umano siyang ipapatay ng kalihim at ni National Security Adviser Hermogenes Esperon upang mawalis na ang illegal gambling business.
Iginiit naman ni Aguirre na plano ni Ang na magsagawa ng “ambush me” scenario upang ibunton ang sisi sa kanya at gobyerno.
By: Drew Nacino
Sec. Aguirre kinumpirmang nakausap na si gambling operator Charlie Ang was last modified: July 22nd, 2017 by DWIZ 882