SolGen Calida ihihirit sa korte sa pagbasura sa bail-bond ng mga NDF Consultant

Ihihirit ni Solicitor-General Jose Calida sa mga Korte  ang pagbasura sa  bail-bond para sa pansamantalang kalayaan ng mga consultant ng National Democratic Front.

Ito’y makaraang magdesisyon ang gobyerno na suspendehin ang back-channel talks sa rebeldeng grupo  dahil sa pananambang ng New People’s Army sa convoy ng Presidential Security Group sa Arakan, North Cotabato.

Ayon kay Calida, maghahain sila ng mosyon sa mga hukuman upang kanselahin ang mga piyansa  ng mga N.D.F. Consultant at iutos ang muling pag-aresto sa kanila at ibalik sa piitan.

Ang  pansamantala anyang kalayaan ng mga consultant ay may kaakibat na kondisyon at kabilang na rito ang pagbawi sa piyansa kapag natapos o kinansela ang usapang pang-kapayapaan.

By: Drew Nacino / Bert Mozo

Comments

comments